Heimelaga tomatsuppe

Oppskrift

       

2-3 ss olje

1 liten løk, finhakka

2-3 fedd kvitløk, finhakka

Litt finhakka raud chili (kan sløyfast)

2 ss tomatpurè

2 boksar hermetiske tomatar

2,5 dl vatn+1 kyllingbuljongterning

Salt og pepar

Frisk basilikum, finstrimla

      

Fres lauk, kvitlauk og chili saman med olje på middels varme.

Når lauken er blank og mjuk blander du i 2 ss tomatpure. La det frese saman i ca. 1 min. 

Så kjem ein til tomatane. Bruk stavmiksar for å mose tomatane til den kosistensen som er ønskeleg. Dette tømmes så over i 2,5 dl vatn som er kokt opp saman med 1 hønsebuljong terning. Tøm deretter laukblandinga oppi gryta. La det koke ca 5. minuttar. Smak til med salt, pepar og evt. friske krydder urter. 

Denne tomatsuppa får ein italiensk vri dersom du serverar den med litt pasta, parmaskinke og parmesan. Sidan eg er så glad i egg serverer eg ofte det til også.

Pasta, kokt etter anvisningen på pakken

3 skjever parmaskinke eller annen god skinke. Denne skinka freste eg litt på steikepanna.

Fersk parmesan, i flak.


Da er suppa klar til å nytes:o)

Hamburgerbrød-mini foccacia

Oppskrift

9 dl-1 l lunka vatn

50 gram fersk gjær evt. tørr gjær

3 ts salt

1 ts sukker

8 ss olivenolje

ca. 1,4 kg kveitemjøl

Bland alle ingrediensane i bakebollen, og kjør ved lav hastighet til deigen er godt blanda. Auk hastigheita til middels til du har ein smidig og god deig. Ca. 10 minuttar alt i alt.

Hevast ein time, til dobbel størrelse. Ha mjøl på bakebordet og kjevle ut deigen til passe tjukkelse. Stikk ut små foccacia i ønska størrelse med det ein har for handa, ein kopp, lita skål eller liknande. Legg minifoccaciaene på steikeplate med bakepapir for etterheving i ca. 45 min. Ringle over ei god olivenolje og strø litt maldonsalt over. Steikes ved 225 grader i ca. 12 minuttar. Kjem litt an på størrelsen du har valgt.

Eg fekk ca. 24 minifoccacia av denne oppskrifta. Om dette blir litt mange halverer du berre oppskrifta. Ikkje lag dei for store for da blir dei fort uhamselege, hugs at dei blir store og flotte ved etterhevinga. Desse foccaciane kan godt brukast som hamburgerbrød eller med anna fyll inni. Mosarella, tomat, salat, skinke og liknande.

Eg har ikkje kamera for tida, derfor ingen utførlige bilder av korleis eg gjekk fram. Håpar det er godt nok forklart likevel. Tok eit “finish” bilde med mobilen, det du ser øverst. Lykke til!

Kveitekrans med bringebær og pistasjekrem

Denne kransen er fylt med nydeleg pistasjkrem og friske bringebær. Det er med på å gjere den utrulig safitg og god. Kan verkeleg anbefale den til kaffebordet på sundagen :o) 

Ingrediensar

Deig:

25 gr gjær

2,5 dl melk

0,5 dl sukker

ca 7,5 dl kveitemjøl

50 gr mjukt smør, i terningar

Fyll:

75 gr pistasjnøtter, hakka

150 gr marsipan, riven

75 gr mjukt smør

0,5 dl melis

200 bringebær

sjokolade, valgfritt

Pynt:

melisglasur

2 ss pistasjenøtter, hakka

Ha alt det tørre oppi ein kjøkkenbolle. Rør forsiktig rundt mens du tar i fingervarm mjølk. Når alt er elta godt saman, ca nokre minuttar, tilsett du smøret litt om litt. Elt dermed lenge; gjerne 10- 15 min., slik at deigen blir glatt og smidig. Her kan du finne mange gode baketips.

Deigen klar til heving

Kle bakebollen med ei klede og ta ein plastikkpose over, og la den heve til dobbel storleik i ca 40 min

Lag pistasjkremen. Ha i finhakka pistasjenøtter, mjukt smør, melis og marsipan riven på eit "råkostjern". Bland alt godt saman med ein stålvisp.

Bland alle ingrediensane godt saman til ein mjuk krem

Kjevle ut ein leiv på ca 30 x 70 cm og fordel fyllet utover. Eg brukar som regel ikke sjokolade på den; syns den er like god uten :o) (meina eg skimta ein liten barneneve opp i sjokoladeposen på bildet.... ;o))

Rull leiva saman og legg skøyten ned mot bakepapiret. Snitt forsiktig med kniv rund kransen, men pass på at det ikkje blir for djupt slik at fyllet renn ut.

La kransen etterheve under eit klede på ein lun stad i ca 30 min.

Veldig praktisk hevebrett fra Clas Ohlson.

Pensle kransen med egg og strø over hakka pistasjnøtter.  Steik den midt i omnen på over- og undervarme, i 20- 25 min., til den er gjennomsteikt. Dersom kransen blir for mørk, kan du legge eit bakepapir over den mot slutten av steiketida. Avkjøl på rist. Om ønskeleg kan du ringla litt melisglasur over.

Server kransen lunka med ein god kaffi attåt ;o) God sundagskos!

Hjarteleg velkomen!

Å få besøk er alltid kjekt anten det er av familie eller vener. Ber me på god mat synes eg det er kjekt å dekke eit koseleg bord og kanskje gje gjestane ein liten oppmerksomhet, som med eit lite sjokoladehjarta .

Dette er enkelt som berre det. Eg brukar Freia mørk kokesjokolade eller den lyse varianten som vist på bildet under.

Smelt sjokoladen over vannbad. Teikn så eit hjarta på eit bakepapir. Snu bakepapiret så ikkje tusj/penn smitter av på sjokoladen. Bruk så ei teskjei og dander sjokolade rundt hjarta du teikna. Til slutt strør du kakestrø over.

For at sjokoladehjarta skal stivne litt raskt kan du setje det i frysaren ei lita stund. Deretter oppbevara sjokoladehjarta i kjøleskapet til like før gjestane skal koma, dette for at det kan smelta om det er for varmt i rommet der du skal servere maten. Legg sjokoladehjarta på fatet, servietten eller heng det på ein gaffel (som på første bilete).

Dette var berre eit lite tips som du kanskje vil ta med deg neste gang du vil vise dine vener eller familie at du er hjarteleg glad i dei:o)

Havregrynsgraut

Havregrynsgraut eller "vassgraut", som pappa kallar det, er grauten som er mest poppis i både Hatlevik- og Glesnesfamilien. Den er utrulig "snedd'n" å lage og ikkje minst rimeleg. Ein porsjon kosta faktisk under 1 kr; her kjem den sparsommelige Drønar'n fram i oss :o)

Tips!
For å gjere det enklast mulig, pleier eg å koke ekstra graut og sette den i kjøleskåpet til neste morgon. Då berre varmar eg den i mikroen i eit par minuttar, rører rundt og så er den ferdig. Syns faktisk den er betre neste dag også :o) På travle morgonar når ein skal på jobb er det greit at ungane spis frukost i barnehagen. Då har eg anten varma grauten kjapt i mikroen rett før me går i bilen, slik at grauten fortsatt er varm når me kjem i barnehagen, eller at personalet varmar grauten når me kjem ned der.

Ingrediensar:
50 gr havregryn (lettkokte)
3,75 dl vatn (evnt. melk)
litt salt

Bland alt saman i ei panne og la det småkoke i 2 minuttar.

Havregrynsgraut med kanel og rosiner

Grov kveitemjølsgraut

Graut er enkel, sunn, rask og billig mat for store og små. Graut er faktisk blitt trendy i bl.a New York kor graut blir servert både hos Starbucks og McDonalds.

Denne grauten er veldig grei å servera til småtassane, sidan det ikkje er "klumpar" i den. Våre barn har sansen for syltetøy eller kanel og rosiner oppå grauten. Eit tips er å blautlegga mjølet i ein time før koking; det gjer jernet i mjølet meir tilgjengeleg.

Grov kveitemjølsgraut toppa med bringebærsyltetøy og pinjekjerner

Fiskegryte med paprikachips

Denne smakfulle fiskegryta blei fyrst servert til mor og far av familien Lyng i Måløy. Dei blei så begeistra over denne gode retten at dei måtte få oppskrifta på den. Etter kvart er dette blitt ein klassikar i Hansali-klanen og er absolutt å anbefale!

Tips!
Me har jo fleire i familien som en kan sei er ”kres’n” i matveien. For dei som då ikkje likar fisk, kan ein like godt bruke kylling i gryta. Kjempegodt det også :o)

Ingrediensar

Ca 1- 1,2 kg fisk

Dressing:

4 ss ketchup

4 ss majones

0.5 ts salt

0,5 ts karri

Litt aromat og grillkrydder

Steikte grønsaker:

1 grøn paprika

1 lauk1 raud paprika

1 boks ananas i beter, med saft

1 boks fløyte

Topping:

1 paprikachips
Riven ost

Mmm, nam, nam!

Surr hakka lauk og paprika i ei steikepanne. Tilsett ananas med "sø"

Deretter 1 boks fløyte. La det småkoke i nokre minuttar

Bland ketchupdressing i ei skål

Smør dressingen i ei eldfast form

Slik ser det ut når forma er klar til at fisken skal leggast i.

Skjær fisken i små stykker. Brukar du frossen fisk må den først tinast og deretter tørkast med papir/ handklede. Dryss litt salt på den. Dersom du nyttar kylling må den steikast først og krydrast med salt, pepar og kyllingkrydder.

Strø grovhakka chips som eit fint lag over fisken

Ha over grønsakene

Og til slutt ein topping av riven ost

Forma skal stå midt i omnen på 180 grader i 20 min

Slik ser gryta ut når den er ferdig i omnen

Serverast med ris, salat og evnt. litt paprikachips

Bestemor Marta`s karbonader

Karbonadekakene til bestemor, Marta, er det mange som har etterspurt oppskrift på.  Dei er rett og slett knallgode og verdt å prøve. Så gode at dei var ein av smårettane, Marta, hadde som nattmat i bryllaupet sitt. Skal ikkje nemne namn, men at enkelte åt 6-7 stk. er ingen hemmeligheit;o) 

Karbonader kan brukast som ein del av koldtbord eller tapasbord. Andre tips er å servere dei med potet-/ fruktsalat eller til kvelds med speilegg attåt :o)

 Ber ein til selskap der ein serverar sjømat og skaldyr er det ofte ein eller annan som ikkje toler eller likar dette. Då er karbonadekaker veldig greie å ha som ein tilleggsrett.

Ingrediensar

1 pk kjøttdeig

2 pk karbonadedeig

2 ss toppa potetmjøl

1 ts pepar

1,5 ts salt

ca. 5 dl vann

1 buljongterning (kok opp med vatnet og avkjøl)

2 egg

1 løk (raspa)

Kvardagstipset!

Å spe ut karbonadedeigen med havregryn, brødsmula, kokt ris, couscous, rivne grønsaker- som t.d gulrøter og squash, er ein fin måte å drøye karbonadedeigen på.

Bland alle ingrediensane (forutan buljonvatnet) i ei kjøkkenmaskin med eltekrok for kjøtt.
Spe på med væske, slik at farsen blir passeleg fast. Steik ein "prøvekarbonade" for å sjekke om konsistensen er riktig.

Farsen bør stå min. 15 min., men kan også stå i kjøleskåpet natta over.

Form farsen til den storleiken du ynskjer karbonadane. Veldig greit å forme dei med ei stor spiseskjei og trykke dei litt "flate" slik at dei er lettare å få gjennomsteikt.

Steik karbonadane i smør, i nokre minuttar på kvar side.

Serveres med ein gong eller frys dei og ha dei på "lur" til anledningen byr seg :o)

Jordbær med sjokolade og nøtter

Eit litt sunnare alternativ til sjokolade når søtsuget melder seg kan vere jordbær dyppa i sjokolade og nøtter.

No har det nærmast blitt sånn at ein kan få tak i jordbær heile året. Då er dei vel og merke ikkje norske, men alikevel kan dei vere gode.  I staden for tradisjonell jordbærdessert med vaniljesaus evt. melk og sukker kan kanskje dette vere eit alternativ? Godt å servere på eit tapasbord også. 

Ingrediensar

1/2-1 plate mørk/lys kokesjokolade

1 korg jordbær

Finhakka nøtter

Varm sjokoladen over vannbad. Dypp bæra i den smelta sjokoladen. Sjokoladen kan godt stå over vannbadet medan du held på. Trill så sjokoladebæra  i ein finhakka nøtteblanding og legg det på ein tallerken til avkjøling. For å hjelpe på prosessen kan du sette bæra i kjøleskapet.

Marshmallows på pinne

Veldig enkelt å lage og veeeeldig godt. 

Får du besøk og skal lage noko søtt, enkelt og litt fort kan kanskje ”marshmellows på pinne” friste? At det er ein suksess i bursdagar er vel heller ikkje så rart:). Dette er kjekt å gjere saman med barna. Dersom ein voksen dypper i sjokolade kan "småtrolla" velge strøsselsort og dyppe i:) 

Setter du dei i ei lita skål som me har gjort på bildet under blir det straks litt pynt på eit dekka bord.

Nam, nam.......

Ingrediensar


200 g sjokolade
 (den du måtte ønske, me foretrekker kokesjokolade)

150 g marshmallows



Dekorasjon


Forskjellige strøsselsortar


Tilberedning


Smelt sjokoladen i vannbad eller i mikroovn og hell i ei skål. Dypp marshmallows i sjokoladen med ein gaffel.  

Det trenger ikkje vere mykje sjokolade rundt, men nok til at strøsselet festar seg. Lurt å bruke gaffelen til å fjerne overflødig sjokolade. 

Dekorer med strøssel med det same. 

Legg alle sjoko-marshmallowsane på ein tallerken og la dei stivne.

For meir inspirasjon og fristelasar med marshmallows bør du kikke innom "passion 4 baking", eller ta turen innom her og her. God fornøyelse!