Trøffelkake

Trøffelkake er ei kake som er blitt ein klassikar i vår familie. Du kan vel seie at dette er ei "finare" sjokoladekake som høver godt til servering i til dømes bursdagar, bryllaup og dåpar. Med nydeleg smak av sjokolade og rom slår denne an hos både liten og stor :)

Ingrediensar

Kakebunn:

300 g sukker

3 store egg

100 g kokesjokolade

150 g smør

2 dl mjølk

300 g kveitemjøl

3 ts bakepulver

Sjokoladekrem:

150 g smelta smør

ca 500 g melis

200 g kokesjokolade

3 ss sterk kaffi

2 ss mjølk

ca 10 dråpar rom

1 egg

Visp egg og sukker saman til eggedosis, ca. 10 minuttar. Smelt kokesjokoladen saman med smøret og mjølka over svak varme i ein kjele eller i mikroen. Avkjøl og rør inn i eggedosisen. Sikt i dei tørre ingrediensane og rør forsiktig til ein smidig kakedeig. Ha deigen i ein rund kakeform (26 cm diameter) med bakepapir i bunnen. Steik kaka på nederste rille i omnen på rist i 45 minuttar på 175 grader. Avkjøl kaka i forma. 

Lag sjokoladekrem ved å smelte smør og sjokolade i ein kjele. Rør i kaffi og mjølk og deretter melisen. Ta kjelen av plata og rør inn egget slik at kremen blir blank og smidig. Smak til med romessens og sett kjølig til kremen har fått passe tjukk konsistens. 

Del kakebunnen i tre delar. Eit tips er å sette kakebunnen i frysaren ein liten time før du skal pynte den; då vil det ikkje være så mykje "smular"når du arbeidar med kaka.

Dynk gjerne kaka med mjølk for å få den saftigare. Fordel sjokoladekrem mellom kvar kakebunn

Smør resten av sjokoladekremen over kaka. 

Trøffelkaka kan til dømes pyntast med Kvikk-Lunsj-sjokolade og kakestrøssel, som på biletet øvst. Eller som her med Non-Stop-sjokolade  Det enklaste er berre å bruke ein gaffel og lage bølgemønster i glasuren.

Pavlova/ marengskake

Pavlova er enkelt og greit ei knallgod margenskake. Kaka er oppkalt etter ei russisk ballettdanserinne, Anna Pavlova, og er florlett og luftig kake. Når me lagar denne herligheten tykkjer me det er friskare og betre og blande kremen med melonyoghurt i staden for vaniljekrem. Uansett kva du nyttar, smakar det kjempegodt :)

Ingrediensar

Marengsbunn:

6 stk eggekviter

300 g sukker

2 ts kvitvinseddik

1 ts maisstivelse (maizena)

Fyll:

1 pk piska kremfløyte

2 ss sukker

1 stk stor melonyoghurt/ 1 pk ferdig vaniljekrem

Bær og frukt etter sesong

Visp romtempererte eggekviter til hardt skum i ein rein bakebolle. Tilsett eddiken og deretter sukker og maismjøl litt etter litt medan du vispar. Når massen er blank og smidig har du den over på bakepapir. Tips! Ha litt olje eller smør på bakebrettet før du har på bakepapir; då sit papiret fast medan du smører marengsen utover. Du kan anten tegne ein sirkel på diameter ca. 26 cm eller smøre den utover til eit rektangel med ca. 2,5 cm høgde. Porsjonsstorleikar er også praktiske å lage.

Steik bunnen på 160 grader i ca. ein time på under- og overvarme. Du kan godt senke temperaturen men då må du la den stå lenger inn i omnen. Marengsen skal være sprø og ha ein lys kremfarge. La den stå i omnen til den er avkjølt.  Marengsbunnen kan lagast fleire dagar i forkant og oppbevarst tørt i eit handklede. 

Pisk fløyte saman med sukker. Bland yoghurten saman med kremen. Dersom du nyttar vaniljekrem er det greit å ikkje blande kremane, men smøre dei på lagvis. Smør kremen utover marengsbunnen og pynt med det du har av bær/ frukt. Ekstra godt er det å ringle himmelsk pistasjkrem over som du bl.a får kjøpt hos Oliviers & Co ( endeleg i Bergen) eller du kan lage sjølv. Vonar me snart har oppskrifta på bloggen ;o) 

Oreokake

Minstasysto, Hanne Lise, er ein habil kokk på kjøkenet. Trass i at ho sterkt svaksynt, diskar ho opp med dei lekraste rettar. Oreokaka er ein av spesialitetane hennar og sist ho laga denne herligheten var me linseluser på kjøkenet hennar :) 

Ingrediensar

3 pk oreokjeks

100 g smør, smelta

2 pk Tine kremost, naturell

2,5 dl melis

3 dl kremfløyte

2 ss sukker

1 pk Toro lys sjokolademousse

3 dl mjølk (til moussen)

Hovudingrediensen; amerikanske oreokjeks :)

Ha 1,5 pk oreokjeks i ein pose og bruk eit kjevle til å knuse dei. Bland i smelta smør.

Bruk ei rund form på ca. 26 cm i diameter og trykk dei knuste kjeksene godt ned slik at botnen blir fast.

Rør kremost og melis til ein jamn masse, gjerne med ein handmiksar. Pisk 1,5 dl kremfløye saman med 1 ss sukker i ein annan bolle og bland det med kremostblandinga. 

Smør ostekremen over kjekslaget og strø over med 0,5 pk knuste oreokjeks.

 Lag sjokolademoussen etter anvisning på pakken og smør den over ostekremen. Pynt med 0,5 pk knuste oreokjeks. La kaka stå ca. ein time i kjøleskåpet.

Pisk resten av fløyten med 1 ss sukker og smør det på toppen av kaka. Pynt med 0,5 pk knuste oreokjeks og ringle over sjokoladesaus. La oreokaka stå kjølig nokre timar, aller helst til neste dag, før den blir servert. 

Graskarpai/ Pumkin pie

Her om dagen då me laga Halloweenlykt, sat me att med mykje innmat frå graskaret. Hmm... Kva skulle me lage av innhaldet? Etter å ha googla graskaroppskrifter på nettet, falt valet på den populære "pumkin pie" som dei lagar "over there". Må sei eg var veldig spent på om paien falt i smak...; det gjorde den heldigvis. Pappa som er litt skeptisk til "nye" ting og smakar meinte faktisk at graskarpaien var "rasande god" ;)
Så dommen er klar: "Lagar du graskarlykt til Halloween, anbefalar me deg også å lage ein deilig, smakfull graskarpai!"

Ingrediensar

Paibotn:
Ca. 1 kg greskarkjøt
180 g kveitemjøl
1/2 ts salt
1 ts sukker
120 g smør, kaldt i terningar
Ca. 2 ts iskaldt vatn

Fyll:
100 g brunt sukker
1 ts kanel
1/2 ts malt ingefær
1/2 ts salt
1 knivsodd malt muskatnøtt
3 egg
3 1/2 dl Vikingmjølk

Skjær graskarkjøtet i mindre bitar og damp det maurt i ein dampkjele eller kok det i vatn i 15- 20 minuttar. Avkjøl.

Lag paideigen ved å ha kveitemjøl, salt, sukker og smør i ein foodprocessor og kjør til smøret er smuldra opp. Tillsett vatnet og kjør akkurat til deigen er sludrete. 

 Press deigen saman til ein klump og pakk den inn i plastfolie. La den kvile i kjøleskåpet i minst 1 time.

Lag fyllet ved å ha det kokte graskarkjøtet i ein foodprocessor saman med resten av ingrediensane til fyllet og kjør knivane rundt til alt er godt blanda.

Smør ei paiform med smør eller olje. Trykk deigen utover i forma og opp langs kantane. Prikke botnen med ein gaffel. Sett forma tilbake i kjøleskåpet i 20 minuttar. 

Sett omnen på 190 grader. Lag ein runding av eit bakepapir som passar ned i paiforma pluss oppover kanten. Legg det ned i paiforma og fyll det med tørre erter eller liknande. Steik botnen på nederste rille i 15 minuttar. Ta ut ertene og bakepapiret. Senk varmen til 180 grader og steik botnen vidare i 15 minuttar.

Ha fyllet opp i det forsteikte paiskalet og sett paien tilbake i steikeomnen. Steik i ca. 45 minuttar.

Avkjøl paien på rist. Server gjerne med ein raus klatt krem eller is. 

Krydderkake med tyttebær og eple

Dette er ei god, lettlagd haustkake med epler og tyttebær. Lag gjerne dobbel porsjon og ha i to former, slik at du kan fryse ned den eine og ha på lur til juletider.

Ingrediensar

3 egg
3 dl sukker
4,5 dl kveitemjøl
1 ss malt kanel
1 ss malt ingefær
1 ss malt nellik
1,25 ts natron
0,75 dl nøytral matolje eller smelta smør
1,5 dl kulturmjølk eller kefir
1,5 dl tyttebær
1 dl eple i små bitar

Finn fram og mål opp alle ingrediensane.

Visp egg og sukker til eggedosis.

Bland saman kveitemjøl, krydder og natron. Ha i mjølblandinga vekselvis med olje eller smør og kulturmjølk. Rør til ei glatt røre. 

Bland i rørte tyttebær og hakka epler og vend lett om.

Ha kakerøra i ei godt smurt form, evnt. to dersom dobbel røre.

Avkjøl krydderkaka i forma. Den smakar best dagen etter den er bakt og held seg lenge i kjøleskåpet.

Eplekake med vaniljekrem

Dei norske epla er på sitt beste og er du heldig ha å eige epletre så skund deg ut og plukk frukta før den fell ned.  No skal du sanke til vinterbruk og noko av det du kan lage er eplekake. Den er enkel å lage og smakar  kjempegodt.

"Som epler av gull i skåler av sølv er ord som blir talt i rette tid..." Bibelen, Salomos Ordspråk

Ingrediensar

4egg

3 dl sukker

200 g smør

2 dl mjølk

5 1/2 dl kveitemjøl

3 ts bakepulver

Rør egg og sukker til eggedosis i ca 10 minutter. Smelt smør og bland saman med melk; hell blandinga opp i eggedosisen og rør rundt. Sikt i kveitemjøl og bakepulver og rør forsiktig til du har fått ei smidig røre.

Hell røra i ei kakeform eller langpanne på ca 20x30 cm. Skjer eple i båtar i ønska storleik og dytt den ned i kakerøra.

 Eg plar ha eit lag med vaniljekrem over kakerøra. Berre klipp av toppen på ein ferdig vaniljekrem og trykk utover. Den søkk fint ned i kaka når den blir steikt. Dryss over kanel og hakka mandlar. Steik eplekaka på nederste rille i omnen på 175 grader i 45 minuttar. 

Eg måtte lage eplekaka ein kveld eg var så veldig søtsjuk. Den smakte unekteleg godt saman med is ;)

Hilde`s flytande sjokoladekake

Medan menn foretrekkjer biff, burger eller pizza, krever damer matvarer i denne rekkjefølgen: sjokolade, salte snacks eller is. Kjenn du deg att? :) Det vert sagt at når kroppen gjer etter for søtsuget, vil kroppen frigje "feel-good"kjemikaliar som gjer at me kjenn enorm velvære. Lat oss slå oss til ro med det og kos deg med denne usedvanlige gode, flytande sjokoladekaka :) Oppskrifta har me sjølvsagt fått hos ei dame; svigerinna av systera vår, knakande kjekk som også likar sjokolade :)

Ingrediensar

4 egg

2,5 dl sukker

2 plater kokesjokolade (ei lys og ei mørk eller begge mørke)

200 gr smør

2,5 dl kveitemøl

1 ts bakepulver

Visp egg og sukker til eggedosis i ca. 10 minuttar

 Smelt smør og sjokolade og rør sjokoladeblandinga saman med eggedosisen. 

 Sikt kveitemjøl og bakepulver i kakerøra og bland det saman til du får ei smidig røre.

 Hell kakerøra over i ei kake- eller brødform. Steik den på 200 grader i ca. 15 minutter.

Kaka skal ha ei sprø skorpe, men vera flytande inni; nett som ein stor sjokoladefondant. Server den lunka, saman med is og bær. 

Cake pops

Så er det tid for helg og ein kan skeie ut ein smule og kanskje tillate seg å kose seg litt ekstra:)  Kanskje me kan freiste med desse cake pops´ane?

Utgangspunktet for cakepops er rester av ei kake, helst formkake eller sukkerbrød utan fyll og glasur. Ei tredjedels langpanne eller ei lita rund kake gjev ca. 20 cake pops. Tillat deg å vere kreativ med tanke på smak og utsjånad. Det er berre fantasien som set begrensningar for det endelege resultatet for desse godisane;)  

Rester av ei krydderkake i langpanne blei mitt utganspunkt for desse cakepops´ane. Rester frå brownies, sjokoladekake o.l vil også eigne seg veldig godt. 

Ingrediensar

Ca. 1 liter kakerestar

1 dl peanøttsmør

1/2 dl Sjokade/Nugatti

50 g mørk kokesjokolade (til å feste pinnane)

200 g mørk kokesjokolade

ca. 20 kakepinnar

kakestrøssel

Start med å smuldre kakerestane i ei skål. Bland deretter i peanøttsmør og sjokoladepålegg. Du vil då få ein seig masse.  

Trill ut kuler i den storleiken du måtte ynskje. Smelt den mørke sjokoladen over vatnbad og dypp enden på pinnane nedi før du stikk dei i kvar kule. Deretter set du kulene i kjøleskåpet ein halvtime.

Då er det klar for glasuren. Smelt den kvite sjokoladen over vatnbad (evt. mørk om det er ynskjeleg) og dypp deretter kulene ned i. Strø til slutt kakestrø over. Set kulene i kjøleskåpet igjen for å få sjokoladen stiv.

Nyt det med god samvit; det er helg!