Plommesyltetøy

Er du heldig å ha plommetre i hagen, ellers som oss, har tilgang til eit plommetre? Familien Hatlevik som bur i "gamlehuset" til bestemor og bestefar, har to store plommetre ute i hagen. Ungane har allereie vore å plukka plommene som er falne ned fra trea og har lurt på om me ikkje kunne få fatt i dei store, raudlilla plommene høgt i toppen av trea. Me tok fram hageriva og ruska med oss deilige Opalplommer. Søte, gode som mistar steinen når du bit i dei. Det var med me ville ha av plommer og enda er det mange som ikkje er modna. Dei er jo best å ete rett som dei er, men det begrensar seg til kor mykje mageverk du kan tillate deg å få ;) Me tok plommene med oss inn å lagde godt, heimalaga plommesylt av avlinga i hagen.

Ingrediensar

1,5 kg plommer

500 g sukker (her kan du variere alt etter kor søtt du vil ha det.)

2 dl vatn

Ynskjer du konserveringsmiddel, følgjer du anvisning på pakken.

Vask plommene, del dei og ta ut steinen. 

Kok vatn saman med plommene i ca. 10 minutter til dei er gjennomkokte.

Ta kasserollen av plata og rør inn sukker og evnt. konserveringsmiddel, til alt er oppløyst. Ha plommesyltetøyet over på reine glas- så fulle som mogleg- slik at det blir minst mogleg luft under lokket. Avkjøl og oppbevar plommesyltetøyet mørkt og kjølig.







I går hadde tanta vår gebursdag, så då var det kjekt å gje henne eit glas med heimalaga plommesyltetøy.