Hummingbirds brownies- og ostekake med bringebærkrem

Oh My God! Og du og du for ei kaka....  Likar du herlig, mørk brownies? Fyldig, syrlig ostekake? Frisk, søt bringebærkrem? Ein kombinasjon av alle tre herlighetane finn du i oppskrifta frå det anerkjente The Hummingbird Bakery i London. Brownies- ostekake med bringebærkrem er mektig, men å så god. Her treng du berre eit lite stykke; nyt det med god samvit og i fulle andedrag :o)

Ingrediensar

Brownies:
200 g mørk sjokolade
200 g smør
250 g melis
3 egg
110 g kveitemjøl

Ostekake:
400 g kremost, naturell
150 g melis
1/2 ts vaniljeekstrakt elle 1 ts vaniljesukker
2 egg

Bringebærkrem
150 g bringebær, og noko til pynt
3 dl kremfløyte
100 g melis



Smelt sjokoladen over vannbad.

Rør smør og melis kvitt. Tilsett eit og eit egg og rør godt mellom kvart egg. Bland gradvis inn mjølet. Ha den smelta sjokoladen oppi og bland alt godt saman. 

Smør kakerøra utover ei lita, bakepapirkledd langpanne (33x23x5 cm) og glatt ut med kniv eller slikkepott.

Ha kremost, melis og vaniljeekstrakt i kjøkkenmaskin eller rør for hand. Tilsett eit og eit egg om gangen. Rør til ostekremen er glatt og kremaktig. Brei ostemassen forsiktig over brownien og glatt ut med kniv eller slikkepott. Steik kaka i forvarma omn på 170 grader i ca. 35 minutter til ostekaka er fast å ta på, gylden i kantane men lys i midten. Avkjøl kaka på rist og dekk den deretter til med plast og sett den kjøleskåpet i minimum 2 timar; helst over natta. 

Rør bringebær og melis saman. Dersom du brukar frosne bær bør du helle av det meste av bringebærsafta, slik at ikkje bringebærkremen blir for vassen. Pisk fløyten til krem og tilsett bringebærblandinga. Bre bringebærkremen over browniesostekaka maks to timar før servering. 

Del kaka opp på serveringsfat og pynt med bringebær.  
PS! Me blir heise glade om du trykker "liker" eller legg igjen ein kommentar til oss :) Uansett, god helg til dykk alle!