Grove vaflar

Sidan det er ungane som styrer døgnrytmen her i heimen, kan dagen starta uforskamma tidleg. Her blir det ikkje ikkje tatt hensyn til om det er kvardag eller helg, om mor og far har latt seg freiste til å vere seint oppe kvelden før; nei, småtassane er klare til å ta fatt på dagen så snart gluggane deira er opne ;o) Ja, ja, det går fint å vere litt trøtt i blant berre ein har noko å finna på med ungane. 

I dag var pappa den heldige og fekk sove litt frampå, mens me fann på at me skulle lage frukost til han skulle stå opp. Då blei det grove vaflar. Dei er faktisk mykje sunnare enn dei fleste brødsortar og er ekstra grov i følge brødskalaen. Det går fint an å fryse dei og er populære som nistemat.

Ingrediensar

2 dl havregryn

5 dl sammalt rug

1 ts bakepulver

3 ss rapsolje

8,5 dl lettmjøl

Putt gjerne i eit egg eller ei stor, riven gulrot.

Bland alle ingrediensane med stavmiksar og kjør til ei glatt og fin røre. La røra kvile i minimum 30 minutter. Spe eventuelt med meir mjøl dersom den er litt for tjukk.

Veldig kjekt å få vere med å hjelpe til.

Har du vaffelkakejern med slippbelegg treng du ikkje smøre det. Steik på middels varme til dei er fine og mørke.

Veldig godt med egg på....

Vips,  så var frukosten servert.... Velbekome!