Rørte tyttebær

No er tida å ty til tyttebær :) Eigen fangst av bær smakar som oftast best, då naturopplevinga og historia rundt set ein ekstra spiss på smaken. Men tyttebær finst også i butikken. Kjøp no når det er sesong, rør eller sylt dei og frys ned, eller berre frys dei slik dei er, så har du alltid tyttebær tilgjengeleg.

Ingrediensar

1 kg tyttebær

350 g sukker

Benzoesyra i tyttebær gjev den syrlege smaken, men syra gjer også at bæra står seg ekstra lenge utan konserveringsmiddel. Ha sukker og bær i ein kjøkenbolle.

Rør til sukkeret er oppløyst.

Ha dei rørte bæra opp på glas med tett lokk eller eigna fryseemballasje.

Nyrørte tyttebær er ein delikatesse og smakar nydeleg til kjøtrettar og vilt. Tyttebær kan også brukes til å lage saft, i bakverk og dessertar.